ಭಕ್ತಿ ವೈರಾಗ್ಯ ಪ್ರಕರಣಂ - ಇನ್ನಾದರೀ ಜನ್ಮಕೇ ಬೇಸರಿಕೇ ನಿನ್ನೊಳಗೆ ತೋರದೇಕೆ

|| ಭಕ್ತಿ ವೈರಾಗ್ಯ ಪ್ರಕರಣಂ ||

kannadabhajanlyrics.blogspot.com

ಇನ್ನಾದರೀ ಜನ್ಮಕೇ ಬೇಸರಿಕೇ ನಿನ್ನೊಳಗೆ ತೋರದೇಕೆ।

ನಿನ್ನ ಮಾನಸದ ಬಯಕೇ ಎಲೆ ಜೀವ

ಶೂನ್ಯಮಾಗದು ಯಾತಕೆ ॥ಪಲ್ಲವಿ॥ 

ಪಡೆಯದಿಹ ಪದವಿಯಿಲ್ಲಾ

ನೀನಿನ್ನು ನುಡಿಯದಿಹ ನುಡಿಗಳಿಲ್ಲಾ |

ಕೊಡದಿರುವ ದಾನವಿಲ್ಲಾ |

ನೋಡದಿಹ ಬೆಡಗು ಬೇರೊಂದದಿಲ್ಲಾ ||೧||

ಕೂಡದಿಹ ಕುಲವರಿಲ್ಲಾ। ಕಣ್ಣಿನಿಂ ನೋಡದಿಹ।

ನೋಟವಿಲ್ಲಾ। ಆಡದಿಹ ಆಟವಿಲ್ಲಾ।

ನೀ ಬಿಡದೆ ಮಾಡದಿಹ ಪಾಪವಿಲ್ಲಾ ||೨|| 

ಹೊಂದದಿಹ ನರಕವಿಲ್ಲಾ।

ಯಮ ನಿನ್ನ ಬಂಧಿಸದ ಪಾಶವಿಲ್ಲಾ |

ವಂದಿಸದ ದೈವವಿಲ್ಲಾ|

ನೀನರಿಯದಂದಚಂದಂಗಳಿಲ್ಲಾ||೩||

ತಿಳಿಯದಿಹ ವಸ್ತುವಿಲ್ಲಾ |

ಅನುಭವಿಸದಿರುವ ವಿಷಯಂಗಳಿಲ್ಲಾ |

ಅರಿಯದಿಹ ತತ್ತ್ವವಿಲ್ಲಾ |

ನೀನೋದದಿರುವ ವಿದ್ಯೆಗಳೆ ಇಲ್ಲ ||೪||

ಪಠಿಸದಿಹ ಮಂತ್ರಿವಿಲ್ಲಾ |

ಸಾಧಿಸದ ಚಟುಲ ತಂತ್ರಗಳಿಲ್ಲಾ।

ನಟಿಸದಿಹ ನಡತೆಯಿಲ್ಲಾ |

ತೋರಿಸದ ಪಟುಮಹಾಮಹಿಮೆಯಿಲ್ಲಾ || ೫ ||

ವಿರಚಿಸದ ಕರ್ಮವಿಲ್ಲಾ |

ನೀ ಹೊಂದದಿರುವ ಯೋನಿಗಳೆ ಇಲ್ಲಾ

ತಿರುಗದಿಹ ಲೋಕವಿಲ್ಲಾ।

ನಿನ್ನ ಸುಡದಿರುವ ಸುಡುಗಾಡೇ ಇಲ್ಲ ||೬||

ನೋಡಿದುದನೇ ನೋಡುವೆ |

ತಿಂದು ತೇಗಾಡಿದುದನೇ ತಿನ್ನುವೇ। 

ಬೇಡಿದುದನೇ ಬೇಡುವೆ |

ಹಿಂದೆ ನೀನಾಡಿದುದನೇ ಆಡುವೇ ||೭||

ಇನ ಗಿರಿಯೊಳೊಂದನಿಟ್ಟು |

ಅಸ್ತಗಿರಿತನಕ ಸೊನ್ಮೆಗಳನಿಟ್ಟು |

ಗಣಿಸಲಾ ಲೆಕ್ಕದಷ್ಟು |

ತನುಗಳೊಳು ಜನಿಸಿ ನೀ ಕಷ್ಟಪಟ್ಟು || ೮ ||

ತನುವ ಬೇರಿರಿಸಲಿಲ್ಲಾ |

ನಿನ್ನ ನಿಜವನು ನೀನು ಕಾಣಲಿಲ್ಲ |

ಜನನವನು ಹರಿಸಲಿಲ್ಲಾ |

ಗುರುಶಂಕರನ ಪದದಿ ನೀ ಬೆರೆಯಲಿಲ್ಲಾ ||೯||

॥ಇನ್ನಾದರೀ ಜನ್ಮಕೇ।|