ಭಕ್ತಿ ವೈರಾಗ್ಯ ಪ್ರಕರಣ - ಬಿಡು ಬಿಡು ರಾಜಸ ಪೂಜೆಯನು

|| ಭಕ್ತಿ ವೈರಾಗ್ಯ ಪ್ರಕರಣ ||

kannadabhajanlyrics.blogspot.com

ಬಿಡು ಬಿಡು ರಾಜಸ ಪೂಜೆಯನು।

ಮೊದಲೊಡಲಬಭಿಮಾನವ ತೊರೆ ನೀನು |

ಮಡದಿಯ ಕಾಣದೆ ಮಿಡುಕುತ ಮನದಲಿ |

ಮೃಡನಡಿ ಪೂಜಿಸಿ ಫಲವೇನು ॥ಪಲ್ಲವಿ||

ಹರನೊಳು ಚಿತ್ತವನಿಡಲಿಲ್ಲಾ |

ಶಿವಶರಣರಿ ಗರ್ಥವ ಕೊಡಲಿಲ್ಲಾ |

ಮರಣದ ಭೀತಿಗೆ ಶಿವಪೊರೆಯೆಂದರೆ।

ನರಕದ ಯಾತನೆ ಬಿಡದಲ್ಲಾ ||೧ ||

ಆಗಮ ಧರ್ಮಂಗಳ ತೊರೆದು।

ಸತಿಭೋಗದಿ ಸ್ಮೃತಿಯಿಲ್ಲದೆ ಮರೆದು|

ರೋಗವು ಬಂದರೆ ಹರ ಪೊರೆಯೆನಲಾ।

ರೋಗವು ನಿನ್ನ ಕೊಲ್ಲದೆ ಬಿಡದೂ ||೨||

ದೃಢತರ ಶಿವಭಕ್ತಿಯ ಬಿಟ್ಟು

ನಿಜ ಮಡದಿಯ ಮೋಹಕೆ ಒಳಪಟ್ಟು |

ಸಡಗರದೊಳಗಿರೆ। ದೂತರು

ಬರಲವರೊಡ ನೋಡುವೆ ಎಲ್ಲವ ಬಿಟ್ಟು ||೩|| 

ತರುಣಿಗೆ ಮುತ್ತಿನ ಮಾಲೆಗಳೂ।

ಪುರಹರನಿಗೆ ಹತ್ತಿಯ ಜೂಲುಗಳೂ

ಸರಿಸರಿ ನೀ ಮಾಡುವ ಈ ಭಕ್ತಿಗೆ |

ಹುರಿವರು ನಿನ್ನೆಮನಾಳುಗಳೂ ||೪||

ಸಿರಿಯೊಳು ಶಿವನಾಮವ ತೊರೆದೂ।

ಅತಿ ಹರುಷದಿ ಕಣ್ಕಾಣದೆ ಮೆರೆದು |

ಬರ ಬಂದರೆ ಶಿವ ಪೊರೆ ಎಂದರೆ |

ನಿನ್ನನ್ನು ನರಕದೊಳಿರಿಸುವ ಮುರಿದೂ ||೫||

ಹರನೊಳು ಚಿತ್ತವನಿಡಲಿಲ್ಲಾ |

ಶಿವ ಶರಣರ ಸೇವೆಯು ಹಿತವಿಲ್ಲಾ 

ತರಳರ ಪೊರೆಯೋ ಶಿವನೀನೆಂದರೆ।

ಪುರಹರ ಕೇಳ್ ನಿನ್ನಾಳಲ್ಲಾ ||೬||

ದಾಸರಿಗನ್ನವನಿಡಲಿಲ್ಲಾ |

ಪರದೂಷಣಗಳ ನೀ ಬಿಡಲಿಲ್ಲಾ।

ಕಾಸನು ತೋರಿಸಿ ಶಿವನೇ ಪೊರೆಯನಲಾ

ಶಿವನಿಗೆ ಬಡತನವಿಲ್ಲಾ ||೭||

ಪಾಪದ ಕೃತ್ಯವು ಕೆಡಲಿಲ್ಲಾ।

ಪರಿತಾಪವ ಗೈವುದು ಬಿಡದಲ್ಲಾ

ದೀಪವ ಹಚ್ಚಿಸಿ ಶಿವನೇ

ಪೊರೆಯನಲಾ ಪರಮಗೆ ಕತ್ತಲೆಯಿಲ್ಲಾ || ೮ ||

ಸಿರಿಬರಗಳ ಸಮನಾಗಿಲ್ಲಾ |

ಈ ಶರೀರ ಭ್ರಾಂತಿಯು ಬಿಡಲಿಲ್ಲಾ 

ಬರಿದೇ ದುಃಖವು ಹರಿಯಲಿ ಎಂದರೆ |

ಗುರುಶಂಕರ ನಿನ್ನೊಶನಲ್ಲಾ ॥ಬಿಡು॥ ೯