|| ತತ್ವ ವಿಚಾರ ಪ್ರಕರಣ ||
 |
| kannadabhajanlyrics.blogspot.com |
ಸುಮ್ಮನಾಗದು ನಿಜಾನಂದ |
ಬಾಯ ಬೊಮ್ಮವ ನುಡಿಯೆ ತಪ್ಪದು ಭವಬಂಧ ॥ಪ॥
ಕಾಮಾದಿಗಳನ್ನೆಲ್ಲ ಬಿಡದೇ। ಪುಸಿನಾಮ ರೂಪಗಳ।
ಭ್ರಾಂತಿಯ ಮೂಲ ಕೆಡದೇ|ತಾಮಸ ವೃತ್ತಿಯ ಸುಡದೇ।
ಸರ್ವಂ ಪ್ರೇಮ ಸ್ವರೂಪವೆಂಬುವ ಭಾವ ಬರದೇ॥ ೧
ನಾನು ನೀನೆಂಬುದನಳಿದು ದ್ಯಾತೃ।
ಧ್ಯಾನ ಧ್ಯೇಯಗಳೆಂಬ ತ್ರಿಪುಟಿಯ ಕಳದೂ।
ನಾನತ್ವ ಭಾವವ ತೊರದೂ।
ಸಮ್ಯಜ್ಞಾನದಿಂ ಶಿವನೆ ತಾನಾಗದೆ ಬರಿದೆ ॥ ೨ ||
ಹಿತ ಶತೃಗಳು ಸಮವೆನಿಸಿ ನಿಂದೆ |
ಸ್ತುತಿಗಳೆರಡನು ತಾನೊಂದಾಗಿ ಗಣಿಸಿ |
ಮತಿಗೆ ಧೃಢತೆಯಳವಡಿಸಿ | ಭೇದ ಗತಿಯ ಮರಸುವ।
ಸುಜ್ಞಾನ ಮುದಿಸದೇ।| ೩ ||
ಚೆನ್ನಾಗಿ ತಿಳಿದು ತತ್ತ್ವವನೂ।
ಎಲ್ಲ ತನ್ನಂತೆ ಭಾವಿಸಿ ತೊರೆದು ಕ್ರೋಧವನೂ।
ಮುನ್ನಿರ್ದ ಭೇದಭಾವವನು।
ಬಿಟ್ಟು ಹೊನ್ನಿನಂದದಿ ಶುದ್ಧನಾಗದೆ ಬರಿದೇ॥ ೪ ||
ಕರಣ ತತ್ವಗಳ ತಿಳಿಯದೇ। ಕಾಯ।
ಕರಣ ಕಾರ್ಯಗಳನ್ನದೆಂಬುದು ಕೆಡದೇ।
ಪರಜೀವ ಭೇದವಳಿಯದೇ।
ತಾನು ಗುರುಶಂಕರಾರ್ಯನ ಪದದಿ ಬೆರೆಯದೆ ॥
||ಸುಮ್ಮನಾಗದು॥ ೫ ||
0 ಕಾಮೆಂಟ್‌ಗಳು