|| ಕೃಷ್ಣ ಭಜನೆ ||
ಚೆಲುವು ನೋಡಮ್ಮ ಚೆಲುವು |
ನಮ್ಮ ಉಡುಪಿ ಕೃಷ್ಣನಾ ಚೆಲುವು |
ಸುಂದರ ವದನ ಅರವಿಂದ ನಯನ |
ದೇವಕಿ ನಂದನ ಆನಂದ ಕಂದನ ||
ಒಂದು ಕೈಯಲಿ ಕಡೆಗೋಲು ಹಿಡಿದು |
ಒಂದು ಕೈಯಲಿ ನೇಣುವ ಹಿಡಿದು |
ಬಾಲಕನಂದದಿ ನಗುತಲಿ ನಿಂತ |
ಕೌಪೀನಧಾರಿ ಕೃಷ್ಣ ಮುರಾರಿಯ ||
ಗೋಪಿಯರ ಮನಸೆಳೆದಾ ಪೋರಾ |
ಗೋಕುಲದೆ ಹರಸಿದ ಆನಂದ ಧಾರಾ |
ಗೋಪಾಲಕೃಷ್ಣ ನವನೀತ ಚೋರ |
ಗೋವಿಂದ ಶ್ರೀ ಹರಿ ನಂದ ಕಿಶೋರ ||
ಅಡಗಿ ಗೋಪಿ ಚಂದನದೊಳಗೆ |
ಪಡುವಲ ಕಡಲ ಹಡಗಲಿ ದಾಟಿ |
ಮಧ್ವಾಚಾರ್ಯರ ಕೈಗಳ ಸೇರಿ |
ಉಡುಪಿಯಲಿ ಮನೆ ಮಾಡಿ ನಿಂತಂಥ ಚೆಲುವು ||
0 ಕಾಮೆಂಟ್‌ಗಳು