|| ಲಕ್ಷ್ಮಿ ಹಾಡು ||
ಪಾಡುವೆ ಶ್ರೀ ರಮಣಿ ನಿನ್ನನ್ನು
ಕೊಂಡಾಡುವೆ ಹರಿ ರಮಣಿ ಕಲ್ಯಾಣಿ||ಪ||
ಪಾಡುವೆ ನಿನ್ನನು ಜೋಡಿಸಿ ಕರಗಳ
ಮಾಡಿ ವಂದನೆ ನಾ ಬೇಡುವೆ ವರಗಳ||ಅ. ಪ.||
ಅರುಣೋದಯದಿ ಶ್ರೀ ಹರಿಪ್ರಿಯೆ ನಿನ್ನ
ಪರಮಪುರುಷ ನರಹರಿಯೊಡನೆ
ಸ್ಮರಿಸುವೆ ಪ್ರತಿದಿನ ಅರಿಶಿನ-ಕುಂಕುಮ
ಸ್ಥಿರವಾಗಿರುವ ಸೌಭಾಗ್ಯ ನೀಡೆಂದು ||೧||
ಸುರಗಂಗೆಲಿ ಮಿಂದು ವರಮಡಿಯನೆ ಉಟ್ಟು
ಹರಿದ್ರಾಕುಂಕುಮವಿಟ್ಟು ಹರುಷದಲಿ
ಗುರು ಮಂತ್ರ ಜಪಿಸಿ ಸದ್ಗುರು ಹಿರಿಯ ಸೇವೆ
ಹರುಷದಿ ಮಾಡಿಸನ್ನುತಿಗಳ ಗೈವೆ ಹರಿಯ ಪಾಡುವೆ||೨||
ಪತಿ ಸುತ ಸೇವೆಯು ಅತಿಥಿಸತ್ಕಾರವು
ಹಿತವಚನವು ಪರ ಉಪಕಾರವು
ವ್ರತ ನೇಮವು ಹರಿಕಥೆಗಳ ಮನನವು
ರತಿಪತಿಪಿತ ನಿಗರ್ಪಿಪ ಮತಿ ನೀಡೆ||೩||
ಭೋಗಿ ಕುಂತಳೆ ನಿಗಮಾಗಮ ಸನ್ನುತೆ
ಯೋಗ-ಭೋಗ ಗಳಿತ್ತು ಕಾಪಾಡೆ
ನಾಗೇಶ ಶಯನನ ಬಾಗಿ ಭಜಿಸುವಂಥ
ಭಾಗ್ಯವ ಕರುಣಿಸೆ ಭಾರ್ಗವಿ ತಾಯೆ ||೪||
0 ಕಾಮೆಂಟ್‌ಗಳು