|| ಲಕ್ಷ್ಮಿ ಹಾಡು ||
ಕಂಡೆನು ಹರಿಸತಿಯ
ಸುರಚಿರದುಂಡ ಕಂಕಣ ಕೈಯ್ಯಾ
ಮಂದಾರ ಮಲ್ಲಿಗೆಯ ಹೆರಳಲಿ ದಂಡೆ
ಮುಡಿದ ಪರಿಯ || ಪ ||
ಪೈಜಣಯಿಟ್ಟಿಹಳು ಗಳದಿ
ಕಟ್ಟಾಣಿಯ ಕಟ್ಟಿಹಳು
ಹಾಟಕ ಹಾರಗಳು
ನೋಳ್ಪರ ನೋಟಕೆ ಹಬ್ಬಗಳು ||1||
ಕಾಲಕಡಗ ರುಳಿಯು ಕಲಕಲ
ಹೇಮ ಪೈಜಣ ಧ್ವನಿಯು
ಮೇಲೆ ಕಂಚುಕ ಸಿರಿಯು ಪುತ್ಥಳಿ
ಮಾಲೆ ತೂಗುವ ಕಟಿಯು ||2||
ಸರಸಿಜನುವ ಮುಖಿಯು ನಾಶಿಕ್ಹರಳು
ಮುತ್ತಿನ ಗೊನೆಯು
ಹರಳು ಓಲೆಯ ಪ್ರಭೆಯು
ಕರ್ಣದಿ ಕುರುಡು ದ್ರಾಕ್ಷಾಲತೆಯು ||3||
ಸುಂದರಿ ಶುಭಗಾತ್ರೆ ಸುಖಮಯ
ಸಿಂಧೂರ ಪಟಾಕಾ ಮಾತ್ರೆ
ಮುಂದೆ ಫಲದ ಪಾತ್ರೆ ಇಟ್ಟಳು ಬಂದು ಸರಸ ನೇರಿ||4||
ನಂದಬಾಲನ ಮಡದಿ ಸ್ವಪ್ನದಿ ಬಂದು ನಿಂತಳು ಭರದಿ
ಆನಂದವಾಯ್ತು ಮನದಿ ಕಂಡೆನು ಇಂದಿರೇಶನ ದಯದಿ
||೫||
0 ಕಾಮೆಂಟ್‌ಗಳು