|| ರಾಘವೇಂದ್ರ ಸ್ತುತಿ||
ವೃಂದಾವನ ನೋಡಿರೋ ಗುರುಗಳ
ವೃಂದಾವನ ಪಾಡಿರೋ
ವೃಂದಾವನ ನೋಡಿ ಆನಂದಮದವೇರಿ
ಚಂದದಿ ದ್ವಾದಶ ಪುಂಡ್ರಾಂಕಿತಗೊಂಬ||ಪ||
ತುಂಗಾಭದ್ರಾನದಿಯ ತೀರದಿ ಇದ್ದು
ತುಂಗ ಮಂಟಪದ ಮಧ್ಯದಲ್ಲಿದ್ದು
ಶೃಂಗಾರ ತುಳಸಿ ಪದ್ಮಾಕ್ಷ ಸರಗಳಿಂದ
ಮಂಗಳಕರ ಮಹಾಮಹಿಮೆಯಿಂದೊಪ್ಪುವ||೧||
ದೇಶದೇಶದಿ ಮೆಚ್ಚುತ ಇಲ್ಲಿಗೆ ಬಂದು
ವಾಸವಾಗಿ ಸೇವಿಪ
ಭಾಷೆ ಕೊಟ್ಟಂದದಿ ಬಹುವಿಧವರಗಳ
ಸೂಸುವ ಕರಮಹಾಮಹಿಮೆಯಿಂದೊಪ್ಪುವ||೨||
ನಿತ್ಯ ಸನ್ನಿಧಿಸೇವಿಪ - ಭಕ್ತರಿಗೆಲ್ಲ
ಮತ್ತು ಅಭೀಷ್ಟವ ಕೊಡುತ
ಸತ್ಯಾಧಿಗುಣಸಿಂಧು ವೆಂಕಟವಿಠಲನ
ನಿತ್ಯಸನ್ನಿಧಿಯಿಂದ ನಿರುತ ಪೂಜೆಯಗೊಂಬ||೩||
0 ಕಾಮೆಂಟ್‌ಗಳು