|| ದೇವರಾನಾಮ ||
ರಚನೆ : ಪುರಂದರದಾಸರು
ನರವೃಂದ ಎಂಬೋ ಕಾನನದಲಿ
ಶ್ರೀಹರಿ ನಾಮವೆಂಬಂತ ಕಲ್ಪವೃಕ್ಷ
ಹುಟ್ಟಿತಯ್ಯಾ....
ನೆಳಲು ಸೇರಲುಂಟು ,ಫಲವು ಮೆಲ್ಲಲುಂಟು
ನಾಲಿಗೆಯಲಿ ನಾಮತ್ರಯಗಳುಂಟೂ....
||ನರವೃಂದ||
ಇದೇ ಮನುಜರ ಕೊನೆಯ ಠಾವು
ಇದು ಬ್ರಹ್ಮಾದಿಗಳ
ಸದಮಲ ಹ್ರದಯ ಪೀಠ
ಇದೇ ದ್ವಾರಕೆ , ಇದೇ ಕ್ಷೀರಾಂಭುಧಿ
ಇದೇ ಪುರಂದರವಿಠ್ಠಲನ ಮಂದಿರ||3||
ಏನ ಬೇಡಲಿ ನಿನ್ನ ಬಳಿಗೆ ಬಂದು||2||
ನೀನಿತ್ತ ಸೌಭಾಗ್ಯ
ನಿಬಿಡವಾಗಿದೆ ಎನಗೇ||ಏನ ಬೇಡಲಿ||
ಬಂಧುಗಳ ಕೊಡು ಎಂದು
ಚಂದದಲಿ ಬೇಡುವೆನೆ||ಬಂಧುಗಳ||
ಬಂಧುಗಳು ಏನಿತ್ತರಯಿ ಗಜರಾಜಗೆ....
ಅಂಧಣವ ಕೊಡು ಎಂದು
ಅತಿಶಯದಿ ಬೇಡುವೆನೆ||ಅಂಧಣ||
ಅಂಧಣವ ಏರಿದ ನಹುಷ ಏನಾದರಯಿ.....
||ಏನ ಬೇಡಲಿ||
ಬೇಡುವೆನು ನಾನೊಂದ
ಬೇಡತಕ್ಕುದ ದೇವ||ಬೇಡುವೆನು||
ನೀಡೆನೆಂಬುವುದು ನಿನ್ನ ಮನದಿಚ್ಛೆಯೆ....
ಮೂಡಲಾಧ್ರೀಶ ಶ್ರೀ ಗೋಪಾಲವಿಠ್ಠಲ||2||
ಬೇಡದಂತೆ ಪರರ ಮಾಡೆನ್ನ ದೊರೆಯೆ...
||ಏನ ಬೇಡಲಿ||
0 ಕಾಮೆಂಟ್‌ಗಳು